طوفان في بلاد البعث
الطوفان بيحكيعن مدارس اشبه بالسجون والمعتقلات منشأة لتحاكي مدارس كوريا الشمالية الفريدة من نوعها بالعالم بعدم ايا فردية بالانسان وقتل كلشي بميزو عن بقية البشر.
مناهجها المصدية اللي بتحشي بالطفل معلومات قد تكون مفيدة الا انها مصممة على انو ما يستفاد منها بحياتو
وبكل وقاحة بتطرح اهمية الحرية وانو الحيوان (القطة بحسب درس القراءة التم تصويرو بالصف) بحس بشعور الحرية وبطالب فيها وبيسعى الها وانها حق من حقوقو
بتبيعك شعارات ووطنيات وهية عم تعيشك العكس تماما بكل مجالات الحياة وبالها مرتاح بانها عرفانة هلشعارات ما ممكن حدا يعتبرها اكتر من مجرد علاك مصدي كون كل سلوكياتها بالحياة بتأدي لعكس هلشعارات
عن انجازات حزب غيّر مجرى التاريخ لوطن كامل متل ما غيّر مجرى النهر ليدفن كل الحضارات وكل القيم الموجودة عند الشعب وربّى العالم على انو جرائمو غير المغفترة بحق التاريخ هية انجازات لازم يسفقولها ويمجدو اصحابها اللي حولو البلد لمزرعة الن
كل المشاهد المؤلمة والمخجلة بالفيلم من عضو مجلس الشعب اللي بيتفاخر انو صرلو 50 سنة عضو وعم يحصل على مكافئات ومكتسبات لمدير المدرسة اللي بكل بساطة بئلك انو هوي مدير لأنو قرايبو عضو بمجلس الشعب
لتنسيب الاولاد قصرا دون اي خيار الن للحزب الواحد ليوقفو يوميا يرددو شعارات ويجترو انجازاتو
لمكارم القيادة بمنح المدرسة كومبيوتر لمواكبة التطوير والتحديث!
كلها بكفةّ وآخر جملة قالها الفلاح بكفة
نحن منعرف مجرى النهر القديم ومنعرف حجم الكنوز والآثار اللي اندفنت نتيجة تغيير مجرى النهر بس ولادنا ما بتعرف
منحكيلن اننا كنا نتمشى جنبو ونسبح فيه .... بس ما حدا من ولادنا بيعرف يسبح الكل بخاف يغرق بالبحيرة
الفيلم مصور ومأنتج بزمن تقديري لا يتجاوز اليوم واحد ويمكن اقل
لكنو بصور معاناة سنين كاملة ... جملة الفلاح لحالها بتختصر توصيف 40 سنة قضيناها بظل حزب البعث العربي الاشتراكي القائد الواحد والأوحد للجمتع والدولة.
مدارس البعث اللي مو عاجبتك يا خرا هي اللي خلت الاطباء السوريين يغزو العالم ....ويصيروا اعلام في عالم الطب وهي اللي خلت المدرسين السوريين يدرسوا بكل مدارس العالم العربي ...اير الكر فيك وبأفكارك
ردحذف