البقيان من باب النصر


اول مرة رحت فيها على باب النصر كنت صف رابع
رحت مع بابا اللي اخدني لهنيك مشان يعرفني علمنطقة طلعنا من طرف السيد علي جنب مدرسة المعري
علطريق خبرني انو بهلشارع بالذات مشي وهوي بعمري مع ابوه ليعرفو على المنطقة وحب يمشيني بنفس الشارع ليتذكر هديك الايام
بتذكر اني كتير فرحت وحسيت انو اللي عم يعملو بابا تقليد عائلي الا شوي ولازم حافظ عليو ومشّي ابني بنفس الطريق بنفس العمر

اول محل عليمين كانت المكتبة اللي اشتري منها دفاتر بالجملة وقت كنت مسؤول بالجيك
تاني محل عليسار كان دائما يحط زينة متل الي كنا نعلقها بالصف ايام الاعياد
ورا زاوية المصور في محل ببيع فطاير لحم بعجين على مستوى سوريا ...

كل هلشي هلق بصورة وحدة اختفى!
متل كلشي بهلبلد

حلب القديمة ... باب النصر ... ويا حيف


تعليقات

المشاركات الشائعة من هذه المدونة

قراءة نقدية في القوقعة : يوميات متلصص

وسائل الاعلام " المفقودة "

حقارة بكل ما تعنيه الكلمة من معنى