انت خا بات وعلهوية يا تاجر
 |
| مشارك ما شاركش حاجة |
عم يقولو انو الانتخاب علهوية .. والله مو خبرية !
بس ما حددولي هويتي انا اللي بدي انتخب ولا هويتو للزلمة اللي مرشح حالو ؟
باعتبار اني ما بعرف عن الزلمة/الزلمية غير المعلومات اللي حضراتن حبوا يشاركوني فيها واللي بتتلخص بالاسم والطلة البهية!
انو هيئتنا نحن معشر القطيع فهمانين الجماعة غلط ومطلوب مننا نتخب العالم على هوياتن فقط لا غير !
انو يا عمي بدي انتخبك على عدد احرف اسمك ولا على عدد شعر دقنك
وعمتي بدي انتخبك على اساس زوقك بتطبيق الالوان بالصورة مثلا
انو مسكولي راس الخيط لاقدر افهم مين الاحق بيناتكن
مو مشان شي بس مشان صوتي الحق ما يبعبع علفاضي لا والابشع انو رح يبعبع حصرا طائفيا
على هلحسبة يعني ما حاسس انو مطلوب مني غير صوت للشخص اللي ببين من اسمو انو من طائفتي
انو بصير هلحكي يا عين عمك ؟
مو ع اساس كذا مذا وحكينا ورقصنا وغنينا
ما بصير هيك يا عم ما بصير
وسجلي هلرجاء/ملاحظة اللي الكل ملاحظا وما حدا الو مراق يقولها
بكفي تعطيني اوامر ( انتخبوا ) يعني فكرك التفخيم بالحكي معي بطريقة واو الجماعة رح ينفشني مثلا على مبدأ نفشو ودفشو وشوف ما اجحشو!
شه
والله حلو الانتخاب
انا بواتي صحتي الانتخاب
بس انتو عطوني شي انتخبو مو شي اشلف اسمو بصندوق !
ملاحظة هامشية : هوية خلنج وكالة ما عرفت بحياتها شي اسمو صندوق، معروضة للآجار
التسعيرة بحسب عدد النقط الموجودة باسم المرشح
الاولوية للفتيات ( ذكورا كانوا ام اناث )
وليتا تسلملي عين الاعتبار
لك يازلمة يلي مو مبين من اسمو الأول شو طايفتو بحط اسم أبو مشان يبين...ولهلا ماسألت مسيحي وقلي أنو لينتخب مسلم ولا مسلم قلي أنو لينتخب مسيحي...سؤال بس إذا هاد مو طائفية...شو الطائفية؟؟؟؟
ردحذفولما بتناقشن بهالموضوع بقولولك مافي طائفية بس هاد غير موضوع{قصدهن عموضوع الانتخاب} ومن جهتي إذا لاقيت زبون ومااكتفى عطيو رقمي
لا والحلو وين
ردحذفانو النظرة الطائفية مختصرة يعني غير مطلقة
بمعنى انا بفضل يسرقني واحد من طايفتي
يا عين علحضارة يا عين
بس صدقا يعني ع ايا اساس يفترض قانونيا نختار ؟ بمعنى وقت بدك تشتري شي غرض بكون في بضاعة عند الزلمة اذا عجبك بتشتري من عندو ما عجبك بتضير ضهرك وبتمشي
في شي بضاعة عند هدول وانا ما عم تابع الموضوع ولا فعلا هنن ما عارضين علعالم غير اسمائن وصورن ؟
المريض النفسي يتهاضم .. من علامات الحالة المزمنة
ردحذفعنوان رواية مثلا ؟
ردحذفهنن كانو مخربطين ...بالن بالأول مسابقة ملوك وملكات جمال..بس بعدين اكتشفو أنو لمجالس الإدارة المحلية قالولك صارت وصارت بلكي منلحس إصبعتنا..شاعر سوري
ردحذفالمشكلة يا عزيزي الشاعر السوري انو عم دوّر حوالي والتفت يمين يسار
ردحذفيا اخي ما عم شوف شي الا وفيو ( خربطة ) من نوع ما
يا زلمة بتقول بلاد منتهجة الفشكلة شعار والشئلبة توجّه
المشكلة أنو نحني بين السيء والمجهول يلي ممكن يكون أسوأ بكتير وهاد احتمال كبير..ش س
ردحذفالبسكليت
ردحذفاذا ما طبيت كذا مرة
ما بحياتك رح بتتعلم تسوقو
شكرا جزيلا جزاك الله خير
ردحذفبارك الله فيك اخي العزيز