لقطات متطرفة : بياع القهوة
وانا عم اشتري قهوة .. صرختلو لرفيقي"صورني معو"
اللي صورني واللي تصور معي ما عرفو الشي اللي فكرت فيو
يفترض يكون انا اللي ماني معيّد وهوي اللي لازم يكون لابس تياب العيد
بس اللي كان .. للأسف .. انا اللي عم اشتري وهوي اللي عم يبيع
انا ماني طويل كتير.. ماني كبير كتير.. هوي القصير كتير .. هوي الصغير كتير
انا ما عم اقدر اتضحك بس هوي عم يقدر
انا زعلان عليه .. بس هوي مبسوط ع حالو
انا بدي يكون او يكونو ولادو من بعدو بظروف احسن .. بس هوي ما بيعرف هلشي ولا فارقة معو
انا ما بعرف اسمو ولا هوي بيعرف اسمي بس بعرف انو ما لازم يكون بالعيد عم يفتل ويبيعني قهوة
ليش كل هلشي ؟
وصورني ماريو
دفعتلو حق القهوة
وراح قبل ما اتذكر عيّدو
بس تركتلو 10 ليرات زيادة
انفعلو من كلمة كل عام وانت بخير او بونفيت
علأغلب ما حيفهم معناها
اكتر شي بحبو بكتاباتك
ردحذفهالحالة الانسانية يلي بتتناثر منها
رائع غابي
سونة
امل عايشة :)
ردحذفذكرتني بموقف صار معي بيوم العيد..في بياع محارم مشهور بضل بتجول بالحواري..بتشوفو بكل محل..تفاجأت لما شفتو بيوم عيدو..طلبت منو علبة محارم..سألتو أديه حقها قلي 25 عطيتو 50 ومشيت بس لاحظت بأنو مافرقت معو..يافكر أنو سمعتو غلط يافكر أني مو عرفان قيمة المصاري..حاصلو وأنا راجع عبيتي شفت بياع بليلة كمان استغربت..رحت لعندو.سألتو إذا لازمو محارم..بين عليه أنو مفكرني لأبيعو أو لأديكشا ععلبة بليلة..قمت حطيتا عطاولتو ومشيت قلي الله يرزقك..ويلي بهمني من كل هالحكي..أنو يومها كان عيدي لأنو بالفعل نمت وأنا فخور بحالي ومبسوط ومكيف..وأما عيدي فمتلو متل باقي الأيام..وبظن يومها كان عيدك كمان..شاعر سوري
ردحذفمريض نفسي
ردحذفانو في الي امل مثلا ولا خلص مرضي النفسي مزمن مالو حلّة ؟
ردحذفشكرا جزيلا جزاك الله خير
ردحذفبارك الله فيك اخي العزيز