الشعب المعجزة
قبل 4 شهور ... اذا بتحط حماسنا وقت منتخبنا بيلعبلو لعبة ( وغالبا ما بيترافق حماسنا مع شعور مذلة وفشل تعودنا عليو )
واذا بتحط نقاشاتنا ودفاعنا عن بلدنا وقت بهاجمها حدا غريب/شقيق وكيف ممنبحت علين
اذا بتحط هلشغلتين على طرف بيطلع معك انو السوري ما كان يحس بانتماء حقيقي وفعلي بيعكس فخر حقيقي ببلد ... او انو بحس فعلا انو هلأرض وهلعلم بمثلو ومعني بكل امورو وممنون لأنو الله خلقو بيحمل هلجنسية
قديش قصيرة فترة 4 شهور بعمر الشعوب وقديش شغلة عظيمة انك تخلق هويّة وانتماء بالاشخاص !
وبقولولك زمن المعجزات انتهى !!!
ايام منتديات أخوية كنت حس بمغالاة بالوطنية بشكل خاص من قبل المغتربين
بيوصفو شعورن (بالحنين) وحتى كتيرين بترجمو احاسيسن بمفردة (عشق)
شو بخلي المغترب يحس بهلحنين الرهيب ؟ صحن الفول والفتة ؟ شوارع قديمة يتمشى فيها وما بصرلو فرصة يدقق بتفاصيلها لأن كل تركيزو منصب على انو ما يتفشكل من كتر الاهتمام بشوارعنا!
صرت فكر انو ممكن سبب حنين هلشبيبة المغتربة انو كل واحد منن بينو وبين حالو بيعرف وقت حيموت ما حيكون الو أرض ليندفن فيها ... حيندفن غريب بهلكوكب
ما كنت بحياتي بحلم بمناصب ولا بمراتب ولا بسلطة او مرتبة مميزة ... وان كانت شغلات ضرورية حتى تقدر تعمل فرق او تغيير .. بس هنن كصفات ما بعرف ليش ما بحياتن جذبوني ..تاركن للمشتهي ...
بعرف بلدي على واقعا ممكن موت قبل ما شوفا عم تتحسن ايا تحسن ملحوظ بمعظم مجالاتها التعليمية والاقتصادية والثقافية والعلمية والفكرية وكلشي ممكن يخطر على بالك لزقو بهلسياق على مسؤوليتي... ومع هلشي رسالتي اني ابقى فيها ورح ابقى فيها ... بيكفيني مساحة مترين بمتر من هلأرض ... انتميلها وبعرف انها بتنتميلي ليحطوني فيها بسلام...
وحنعمرها يعني حنعمرها وما رح نبقى هامشيين ورح نرجع نمشي هلمرة لقدام .. عم احلم؟ عم يتهيألي؟ موهوم ؟ مخيلتي خصبة؟ افكاري سرمدية؟ عم حاول اسقط امنياتي علواقع البعيد عنها؟
احكي اللي بدك ياه ... بس بعد معجزة هلشعب صرت عدل قوائم المسلّمات بحياتي وحط على رأسها: "الشعب السوري بعمرو ما بموت" .. و"المستحيل" ما كان وما حيكون بحياتو جزء من ثقافة هلبلد او بتاريخ هلشعب
وبكرا ما ممكن يكون الا أحلى
الصورة فوق من السنة الماضية من لعبة للاتحاد الحلبي بنصف نهائي كأس الاتحاد الآسيوي
ثقافة الهزيمة .. مغامرات البقرة الضاحكة
ردحذفما قصة لوسي أرتين؟
ـ لوسي أرتين كانت علي علاقة بالرئيس مبارك والعلاقة بدأت عن طريق زكريا عزمي وجمال عبدالعزيز، و كان فيه رجل أعمال مشهور بيحب يعرف مبارك علي فتيات من دول شرق أوروبا وحسين سالم كان متولي دول غرب أوروبا.
هل قصر الرئاسة كان يدار بهذه الطريقة؟
- القصر كان يدار بالسفالة والأسافين والنقار والقمار والنسوان وقلة الأدب ودا كل اللي كان شغلهم ومصلحة البلد بعدين .
هي سوزان كانت بتحس بالغلط اللي كان بيعمله الرئيس؟
- هي كانت مقهورة من اللي بتشوفه والنسوان داخلة طالعة قدامها واللي جايين من أوروبا الشرقية وأوروبا الغربية ومش قادرة تتكلم وبتبكي علي طول بسبب اللي بتشوفه وأحيانا كنت بأصبرها وأقولها مصر مافيهاش غير سيدة أولي واحدة، بس بعدها قرر الرئيس أن ينقل جلساته الخاصة في شرم الشيخ وبرج العرب
ھل تزوج علیھا؟
-لا ھو مش محتاج یتجوز .. البركة في زكریا عزمي وجمال عبدالعزیز. …باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى
www.ouregypt.us
حلمنا كلنا سورية أحلى! لأنها بتستاهل....يسلم قلمك
ردحذفتضخم الشعور بعطر الإنتماء لسورية في الشهور الأربعة سببه تلوثها .. سببه وجود مجموعة من الناس حبوا يطالبوا بحقوقهم وأعطوا بهالوقت الغطاء لكل مين بده ينتقم من هالبلد من اللي بداخلها أو بخارجها ويستغل ضعفها بجو مماثل بتغيير معادلات علاقته فيها أو بأنصارها ..
ردحذفحاسس بشي عظيم تجاهها؟ المريض بحس بروعة الصحة أكثر من أيام تعافيه
@غير معرف 1
ردحذفشكرا علدعاية !
@غير معروف 2
الله وكيلك مليون شعور عم يحس فيو واحدنا باليوم لمرحلة ضاعت فيو امنياتنا
@Green Owl
سببه تلوثها .. يمكن فهمت غلط او يمكن مانو واضح ضمير الهاء لمين بيرجع .. تلوث مين يعني بالضبط ؟
المستغل مانو منتظر فرصة ليستغل .. هوي موجود بكل زمان ومكان الفرق الوحيد هوي شد نحن منتبهلو وشد بتكون ظروفو مناسبة
حاسس بشي عظيم ؟ واضح اني حاسس بشي عظيم
سوريا اليوم غير سوريا البارحة وهاد بحد ذاتو انجاز لواقع كانت فيو الايام مستنسخة وعم نعيش الموت السريري وببطىء !
ما بعرف اديه التفاؤل يلي عايشو مزبوط...وأياً يكن تسمية الشيء يلي عم يصير حالياً، فلهلأ ما شفنا ايجابيتو على ارض الواقع، حتى الان دماء...لكن مع كل اسف نحنا من بلد "المحكومين بالأمل ، ولا يمكن لما يحدث الان ان يكون نهاية التاريخ" ...
ردحذفبس بوافقك بكل تأكيد انو الازمة خلتنا ، نعشق تراب سوريا...ونبكي لأول مرة خوفاً ..مو على منصب مو على اشخاص مو على مادة...خوفاً على الوطن
تحيا سوريا..يحيا السوريون بكل اطيافهم
تحية للمدوّن