أحفاد أجدادنا
الوحة هي للتأخي السوري والتسامح الديني وتشابك الصليب والهلال من حماة عام ١٩٣٦ وجانبها العلم السوري المقدس حاضن الجميع.
مو شرط تغير لونك او اسمك لأقدر أتقبلك .. مو شرط احذف صفة من صفاتي وطالبك بالمثل لحتى نركض ناخد صفة جديدة مشتركة ونسمي حالنا صرنا اخوة !
هلشعب كان واحد .. وسيبقى واحد بمفهوم المشاركة لا بمفهوم الوحدانية اللي بتجبرو يكون كلو شعب وحيد اللون وحيد العرق وحيد النظرة القومية او الدين او اللغة متل ما ممكن يتبادر لذهنك أو متل ما عم تسعى انك تعمل !
ببساطة ... هدول هنن أجدادنا ونحن أحفادن ... ونفتخر بوعين وثقافتن وتوريثن النا هلنموذج البسيط والمعقد من نمط الحياة ... بسيطة ببديهياتو معقد بقيمو وقد ما بدك تحاول تحللها رح تبقى معقدة ما بتنحل معك الا اذا فهمتا بمنطق البديهيات
ما عم احكي على مستوى الرموز والشعارات المطروحة واليافتات المرفوعة .. لا أبدا ... على مستوى التفكير والثقافة والتعايش والعيش المشترك
اكتر من الحضيض الفكري العايشين فيو مستحيل نمر .. ومع هلشي حافظنا على هلروح ...
جملة
ممكن قول ( ليتنور الشعب السوري ) او (ليتثقف الشعب السوري) او ( ليتمدّن المجتمع السوري ) بس ما عاد الي عين قول ( ليعيش ) او اذكرها ضمن مفرداتي المستخدمة او امنياتي وصلواتي. الشعب اللي بقي عايش رغم كلشي ... ما انا بدعيلو ليعيش ... عايش غصبا عني وعنك وبدو يبقى غصبا عني وعنك .. ممزوج بمشهد واحد موحد كوحدانية خالق الوجود
كل اللي منقدر نعملو انا وانت هوي التأمل بروعة هلشعب ... والمشاركة بتشكيل هلوحة ونقلها للجيل اللي بعدنا.. وننقل سر بقائنا مع بعض رغم كل ظروفنا للجيل اللي بعدنا حتى يتأمل بدورو بروعة لوحتنا ويحاول يفهم سرنا وما يقدر يستوعبو الا لمّى ياخد هلنموذج بمفهوم البديهيات .. ويورتو بدورو للجيل اللي بعدو كنوع من انواع البديهيات
فعلا
ردحذفأكتر شي بينقصنا بهالوقت هو هداك الوعي يلي كان متواجد عن هالأشخاص يلي بنو سوريا
بينقصنا شوية فكر لا أكتر و لا أقل
رائعة..ـ
ردحذفقصي وسومر :)
ردحذف