حقارة بكل ما تعنيه الكلمة من معنى
بحب عرفكن على أكتر صفة واضحة فيني .. الحقارة .. وخلوني فسرلكن ليش
انا زلمة حقير لدرجة اني بدور دوارة علأشخاص اللي عم يشوف الحياة بصورة حلوة .. لذكرن مين هنن ووين عايشين وشو هوي واقعن المكتوب من قبل ما يخلقو وقديه هنن سخيفين وتافهين بنظرتن المتفائلة والسطحية لحياتن البائسة.. وبعدا برجع يحكيلن على ضرورة الإيمان بالحياة والتأمل بيوم جديد وحياة جديدة ومفاهيم جديدة .
فيني من الحقارة مقدار كافي اني اقعد مع صبية عم تحس بأصابيع العادات والتقاليد الشرقية عم تلف على رقبتها وتخنقا .. لاحكيلها على آفاق الشاب الشرقي والعصمة اللي بيتمتع فيها وروعة الحياة اللي عايشينها كشباب عنا كامل حرية التنقل وعايشين خارج نطاق الأهل ورقابتن المستمرة على حياتنا الشخصية
حقير لدرجة اني بكيت وقت سمعت انو سيراتيل منزلة تسعيرة جديدة للموبايل بالثواني بدال الدقايق
انو كيف فيني اشمت بالعالم اللي بسكرو التلفون على دقيقة وثانية ؟!
بس الحمدلله سيرياتيل فتحتلنا مجال نشمت باللي بيحكي تلفون مدتو دقيقتين الا ثانية
كتّر خيرها تركتنا شوية أمل لنشمت بالعالم
فترة الاعياد بحس حالي مخنوق ومتدايق .. الكل مبسوط .. الكل عم يضحك
بس برجع بواسي حالي انو معلش .. اذا هنن عم يضحكو هلكام يوم فبكفي انن عم يندعس عليون كل باقي السنة
لولا هيك بشرفي كنت جنيت !! انو مستقلها فترة العيد طويلة والله طويلة
بتلاقيني راكض ورا الشب العشقانلو شي بنت لذكرو بأسعار البيوت .. لا وما برضى الا وأثبتلو ياها علميا ورياضياً بالقلم والورقة استحالة ارتباطو بهلبنت ضمن الحياة الأرضية .. الا اذا الخالق بجلالة قدرو حن قلبو علين وخلاهن يعيشو مية سنة اضافية .. هداك الوقت بصير عندو احتمال مقبول نوعا ما .
انا من الحقارة لدرجة بفيّق فيها العطشان وقت منوصل علبحر حتى خبرو انو وهوي عطشان وقدامو كل هلمي ومافينو يحط منها نقطة بتمو
بنتظر على احر من الجمر الجريدة اللي بينزل فيها التصنيف السنوي من الفيفا لترتيب المنتخبات حتى غمّق بالخط العريض ترتيب سوريا ( واللي عادة بكون رقم من 3 خانات ) لأفتل على اللي بتابعو الرياضة وحسسن قديه قدرنا نتحسن خلال هلخمسين السنة اللي مضت .
بواسي الطالب الراسب بطريقة بحسسو فيها انو هوي صحيح فاشل وغبي وكل رفقاتو سبقو وصار بآخر الركب .. بس انو معلش الحياة مانها مجرد درس
وبوقف بجنب الطالب المتخرج المندفع للحياة بقوة وأمل حتى ذكرو وين هوي عايش وقدّرلوا حجم المسؤولية اللي حاليا صارت على كتافو من تأمين مستقبل والبحث عن وظيفة محترمة والمدة اللي رح يقضيها بين بحبشة بجريدة الوسيلة وشنطتة على بواب الشركات .. لمرحلة بصير فيها يتمنى لو انو رسب وما انتهت حياتو الجامعية .. والشخصية .
بعشق الموظف اللي حياتو نكد وهري لأنو بحسسني انو عم يشيل كتف عني بزرع التشائم مع كل انسان بيلتقي فيو
مع اني بكره عيشتي وقت بدي مشي معاملة رسمية بأيا دائرة حكومية .. ومع اني برجع على بيتي تعبان وفطسان وما بكون دوبني ممشي توقيع او توقيعين بالكتير .. بس مجرد اني شوف عالم تاننين عم يلتعن دينها متلي .. مشهد لحالو بكفيني لأبقى مبسوط واتمنى معاملتي ما تخلص
وقت سمعت خبرية رفع سعر لتر المازوت .. حسيت حالي بالسما فوق والملايكة عم تغنيلي وترقصلي
انو معقول هلق بدي امشي وشوف العالم ملتعن دين اللي خلقها هيك بلا سبب !! يا الهي معقول في هيك حياة !! ما عم صدق حالي
بس طبعا يا فرحة ما كملت .. طلعلتنا الحكومة بقصة البدل النقدي لكل عائلة .. بس كنت كلّي ايمان انها عبارة عن غلطة مدتها سنة
وبالفعل طلعت غلطة وتصلحت السنة اللي بعدها بقصة شهادة فقر الحال ( قسائم المازوت )
ومتوقع السنة الجاية حتى فقر الحال ما تنعطى للشحادين .. وطبعا كل هلشي رح يكون سبب مباشر لفرحتي .. يا اخي منظر العالم الملتعن افطاسها بحسسني بالدفء والحنان مو بايدي .. حقير بالفطرة
كنت انمغص كل فترة وفترة تزامناً مع اشاعة تخفيض مدة العسكرية
وكنت اتدايق وانخبط وما اقدر يغمضلي جفن .. انو رح تخف فترة الجهنم !!
بعدين لاحظت انو الاشاعة بحد ذاتها تعتبر عذاب للعالم لأنها عم تعلقن بأمل ومافي احلى من شوفة العالم المحروقة اعصابها
فبلشت انا طالع الاشاعات وانشرها بين العالم !!
صحي بالمناسبة يعني .. ما سمعتو انو رح تنزل العسكرية 3 شهور ؟
هلق ايدي على راسك والنبي كباسك
ما عرفت مين انا ؟
انا زلمة حقير لدرجة اني بدور دوارة علأشخاص اللي عم يشوف الحياة بصورة حلوة .. لذكرن مين هنن ووين عايشين وشو هوي واقعن المكتوب من قبل ما يخلقو وقديه هنن سخيفين وتافهين بنظرتن المتفائلة والسطحية لحياتن البائسة.. وبعدا برجع يحكيلن على ضرورة الإيمان بالحياة والتأمل بيوم جديد وحياة جديدة ومفاهيم جديدة .
فيني من الحقارة مقدار كافي اني اقعد مع صبية عم تحس بأصابيع العادات والتقاليد الشرقية عم تلف على رقبتها وتخنقا .. لاحكيلها على آفاق الشاب الشرقي والعصمة اللي بيتمتع فيها وروعة الحياة اللي عايشينها كشباب عنا كامل حرية التنقل وعايشين خارج نطاق الأهل ورقابتن المستمرة على حياتنا الشخصية
حقير لدرجة اني بكيت وقت سمعت انو سيراتيل منزلة تسعيرة جديدة للموبايل بالثواني بدال الدقايق
انو كيف فيني اشمت بالعالم اللي بسكرو التلفون على دقيقة وثانية ؟!
بس الحمدلله سيرياتيل فتحتلنا مجال نشمت باللي بيحكي تلفون مدتو دقيقتين الا ثانية
كتّر خيرها تركتنا شوية أمل لنشمت بالعالم
فترة الاعياد بحس حالي مخنوق ومتدايق .. الكل مبسوط .. الكل عم يضحك
بس برجع بواسي حالي انو معلش .. اذا هنن عم يضحكو هلكام يوم فبكفي انن عم يندعس عليون كل باقي السنة
لولا هيك بشرفي كنت جنيت !! انو مستقلها فترة العيد طويلة والله طويلة
بتلاقيني راكض ورا الشب العشقانلو شي بنت لذكرو بأسعار البيوت .. لا وما برضى الا وأثبتلو ياها علميا ورياضياً بالقلم والورقة استحالة ارتباطو بهلبنت ضمن الحياة الأرضية .. الا اذا الخالق بجلالة قدرو حن قلبو علين وخلاهن يعيشو مية سنة اضافية .. هداك الوقت بصير عندو احتمال مقبول نوعا ما .
انا من الحقارة لدرجة بفيّق فيها العطشان وقت منوصل علبحر حتى خبرو انو وهوي عطشان وقدامو كل هلمي ومافينو يحط منها نقطة بتمو
بنتظر على احر من الجمر الجريدة اللي بينزل فيها التصنيف السنوي من الفيفا لترتيب المنتخبات حتى غمّق بالخط العريض ترتيب سوريا ( واللي عادة بكون رقم من 3 خانات ) لأفتل على اللي بتابعو الرياضة وحسسن قديه قدرنا نتحسن خلال هلخمسين السنة اللي مضت .
بواسي الطالب الراسب بطريقة بحسسو فيها انو هوي صحيح فاشل وغبي وكل رفقاتو سبقو وصار بآخر الركب .. بس انو معلش الحياة مانها مجرد درس
وبوقف بجنب الطالب المتخرج المندفع للحياة بقوة وأمل حتى ذكرو وين هوي عايش وقدّرلوا حجم المسؤولية اللي حاليا صارت على كتافو من تأمين مستقبل والبحث عن وظيفة محترمة والمدة اللي رح يقضيها بين بحبشة بجريدة الوسيلة وشنطتة على بواب الشركات .. لمرحلة بصير فيها يتمنى لو انو رسب وما انتهت حياتو الجامعية .. والشخصية .
بعشق الموظف اللي حياتو نكد وهري لأنو بحسسني انو عم يشيل كتف عني بزرع التشائم مع كل انسان بيلتقي فيو
مع اني بكره عيشتي وقت بدي مشي معاملة رسمية بأيا دائرة حكومية .. ومع اني برجع على بيتي تعبان وفطسان وما بكون دوبني ممشي توقيع او توقيعين بالكتير .. بس مجرد اني شوف عالم تاننين عم يلتعن دينها متلي .. مشهد لحالو بكفيني لأبقى مبسوط واتمنى معاملتي ما تخلص
وقت سمعت خبرية رفع سعر لتر المازوت .. حسيت حالي بالسما فوق والملايكة عم تغنيلي وترقصلي
انو معقول هلق بدي امشي وشوف العالم ملتعن دين اللي خلقها هيك بلا سبب !! يا الهي معقول في هيك حياة !! ما عم صدق حالي
بس طبعا يا فرحة ما كملت .. طلعلتنا الحكومة بقصة البدل النقدي لكل عائلة .. بس كنت كلّي ايمان انها عبارة عن غلطة مدتها سنة
وبالفعل طلعت غلطة وتصلحت السنة اللي بعدها بقصة شهادة فقر الحال ( قسائم المازوت )
ومتوقع السنة الجاية حتى فقر الحال ما تنعطى للشحادين .. وطبعا كل هلشي رح يكون سبب مباشر لفرحتي .. يا اخي منظر العالم الملتعن افطاسها بحسسني بالدفء والحنان مو بايدي .. حقير بالفطرة
كنت انمغص كل فترة وفترة تزامناً مع اشاعة تخفيض مدة العسكرية
وكنت اتدايق وانخبط وما اقدر يغمضلي جفن .. انو رح تخف فترة الجهنم !!
بعدين لاحظت انو الاشاعة بحد ذاتها تعتبر عذاب للعالم لأنها عم تعلقن بأمل ومافي احلى من شوفة العالم المحروقة اعصابها
فبلشت انا طالع الاشاعات وانشرها بين العالم !!
صحي بالمناسبة يعني .. ما سمعتو انو رح تنزل العسكرية 3 شهور ؟
هلق ايدي على راسك والنبي كباسك
ما عرفت مين انا ؟
إيه..عرفت
ردحذفالفهيم بريّح
ردحذفأحببت حقارتك
ردحذفتعرف يا غابي والله حاسس بالغيرة منك... أنا طول عمري حلمي أني صير حقير بس هالأخلاق الحقيرة ما عم تسمحلي..
بشد ع أيدك وكل أعضاء جسمك ما عدا اللي بيفيدك بعملية التحقير.
حقير.. كلمة لها وقع مذهل يعني عندك فيتو ما حدا بيسترجي يقرب وبطل وقد حالك
برافو با غابي والله حبيتك من أول ما شفتك وعرفتك وهلأ فخور بمعرفتك ومعرفة حقارتك :)
ما عرفت مين انا ؟
ردحذف:) :)
انا فكرت فكرت و ما لقيت الجواب ..
ردحذفبس بعدين طلع معي 3 اجوبة :D
افففففففف
ردحذفكتار بس ما وضحت ايا واحد فيهن
ما أحقرك :(
ردحذفبعد زمان عنك يا ;)
حالياً حاسس انا بالحقارة تجاه نقطة الجيش كوني نافد
يعني هي القصة أنو شخص نايم .. وغفيااان وعم يحلم هيك حلم من اللي بيقولوله " لازوردي " . وفجأة وهو هيك بيعز دين النومة اللذيذة ، بيرن المنبه بيفيقه من هالحلم ، وبيذكّره بشغله اللي كله مشاكل وبيذكره بر بطة الخبز وبالمواصلات ، بيذكره باختصار بحياته وبالأمر المعيشي الواقع ...
ردحذففبشرفك قديه حقير هالمنبه ؟؟
حلوة الحقارة هيك ...ما بتخرب بيوت ..طبيعي لإنو وجوده مرتبط بإنو البيت خربان أصلاً Already بمعنى أخر " مشان الثقافات الأخرى "
ردحذفطالما هيك ...ممتازة القصة
معقول ما أعرفك ...ولو
تلاقيني راكض ورا الشب العشقانلو شي بنت لذكرو بأسعار البيوت .. لا وما برضى الا وأثبتلو ياها علميا ورياضياً بالقلم والورقة استحالة ارتباطو بهلبنت ضمن الحياة الأرضية .. الا اذا الخالق بجلالة قدرو حن قلبو علين وخلاهن يعيشو مية سنة اضافية .. هداك الوقت بصير عندو احتمال مقبول نوعا ما .
ردحذفهههههههههههههههه يبدو انها حيلة الشباب العربى فى كل الاقطار :) حقارتك واقعية يا هذا :) بالمناسبة لم اجد صعوبة ها المرة فى فهم اللهجة السورى :)
بعتذر من الكل على عدم التعليق .. مو تطنيش مني بس ما كان في الظروف التقنية - النفسية - الوقتية لفوت على مدونتي لهيك لا تزعلو مني :)
ردحذفغابي
ردحذفهلق ما عجبك بهاليوم الا تكتب عن الحقارة
بهاليوم بالذات اجت بنتي لارا
فانا صار عندي خوف انو تتاثر بكتابتك
وتطلع هيك
وليييييييييييي .-(
ماما سوناااا
ردحذفالف مبروك الك ولبنتك وانشاء الله تطلع ذكية متلك
لك لا تخافي لا تخافي انا مع كل اللي بكتبن مجرد ( ظاهرة صوتية - كتابية ) ما بتطعمي جوعان ولا بتعزّي مفجوع
يعني مثلا .. انا عندي دعوة مستمرة لرفقاتي كلما حدا تحركش فيني بقلو ( ان شاء الله تموت )
اي ولهلق ما زبطت معي ولا مرة .. لك حتى رشح او سهال ما عم يصيبن للجماعة
فاتطمني يعني ما بينخوف عليها منّي
والله يخليلك ياها .. انا ما اختبرت هلشعور بس حسيت بفرح كبير وقت ولدت اختي وجابتنا صبي وبنوتة
شعور بجنن .. فرحتيني كتير بهخبر لأني رجعت تذكرت الحالة اللي كنت فيها
ممكن جواب مين انتا ؟؟؟؟؟
ردحذفغير واضح
ردحذف