صباح الألف الثالث

من تقريبا سنة ونص مرق علي فترة صرت حب فيها أعمل فيديويات على هاد النمط
انه ما بعرف شو كان هدفي ولا بعرف بشو كنت عم فكر
بس كنت عم اعملن وانشرن تحت اسم منتديات الأخوية كوني ( أثناء هديك الفترة ) عضو فعال فيها ومشارك بكثرة بصفحاتا

اليوم ومن باب الصدفة البحتة وانا باليوتيوب طلع قدامي فيديو بعنوان "صباح الألف الثالث"
فتت لشوفه وفرحت كتير وقت شفت انه هوي نفسه الفيديو يلي انا بزماني عامله

بعتقد انه موضوع الغنية مناسب كتير النا كشرقيين بشكل عام وخصوصا لهلفترة ... خصوصا بالقصة اللي صايرة هلأيام بمصر والمشاحنات الواضحة وبقوة على صفحات الانترنت وبين مدوناتنا وعلى صفحات الحوار العربي بشكل عام

أكيد الفيديو ما رح يعمل شي ولا رح يغير شي
بس بينفع الواحد يتذكر انه عايش بالألف الثالث بعد الميلاد من تاريخ البشرية ॥ يفترض يكون بصباح الألف التالت ما منعرف أيا لون وأيا دين ونعرف أنه الآخر بيشترك معي بالانتماء لدائرة الانسانية

بصباح الألف الثالث
كارول سماحة

للتحميل : انقر هنا