صندويش بروكسي ع الحارك

خدلك سيكارة وشربلك فنجان قهوة وسمعلي هلكلمتين


اصحاب بعض المواقع وحتى المدونات ضايفين اداة لتحديد بلد الزائر
مع اني مو فهمان القيمة اللي عم تقديها هلأداة بس هية فكرة حلوة انه وااااااااااااو انا من سوريا
ترا هية بتنفع اذا كنت مضيع حالك ومانك عرفان انت بأيا بلد مشلوف حاليا

ما علينا .. النهفة صارت بعد اغلاق البروكسي السعودي في وجهي
استعنت بالبروكسي الاندونيسي لوقت ما فات الغوغل بالحيط
حولت على الروسي اسمه الروسي اسهل للتعلم .. يعني منتواصل معه بطريقة اسهل
اضافة اني بقدر استفيد من كل دكاترتنا
كونن خريجين أفخر الجامعات الروسية
مع انه في قسم كبير وصلته شهادته لعنده علبيت كونه عبقري اكتر من المطلوب ورصيده بالبنك بأبرز صفة الذكاء اللي فيه


الشي المهم والغريب بنفس الوقت انو اداة اصحاب المدونات اغبى من وزارة الاتصالات السورية بحد ذاتا !!
ساعة بتعتبرني باندونيسيا وساعة باوكرانيا ساعة بروسيا ساعة لسع محسبتني بالسعودية ( هي بتكون فايتة بالحيط شوي )
الله وكيلكن عم افرط من الضحك كلما شوف اسمي عم يتنقل بين الدول وانا قاعد نفس القعدة على الكنبة ببيتي
عم اضحك من طرف
ودان وزير الاتصالات ( وبقية الشلة ) عم اتطن من طرف تاني