وطن النور والظلمة

اياً كان يكون رأيك وموقفك السياسي ... ما بتقدر تنكر انو خلال هل 4 أشهر خلقت هوية وحسيت فعلا بمعنى الانتماء لهلأرض وقديش بيعنيلك وضع البلد ومصلحة البلد واهل هلبلد ... وان اختلفنا بالنظرة للأمور ووصلنا لمرحلة التخوين ... بتبقى انت علأقل بنظر نفسك معني كتير بمصلحة هلبلد وهلأرض متلك متل الطرف التاني اللي كمان هوي على ثقة انو موقفو مبني على نفس مبادئك لخير البلد ومصلحة هلأرض! قبل 4 شهور ... اذا بتحط حماسنا وقت منتخبنا بيلعبلو لعبة ( وغالبا ما بيترافق حماسنا مع شعور مذلة وفشل تعودنا عليو ) واذا بتحط نقاشاتنا ودفاعنا عن بلدنا وقت بهاجمها حدا غريب/شقيق وكيف ممنبحت علين اذا بتحط هلشغلتين على طرف بيطلع معك انو السوري ما كان يحس بانتماء حقيقي وفعلي بيعكس فخر حقيقي ببلد ... او انو بحس فعلا انو هلأرض وهلعلم بمثلو ومعني بكل امورو وممنون لأنو الله خلقو بيحمل هلجنسية قديش قصيرة فترة 4 شهور بعمر الشعوب وقديش شغلة عظيمة انك تخلق هويّة وانتماء بالاشخاص ! وبقولولك زمن المعجزات انتهى !!! ايام منتديات أخوية كنت حس بمغالاة بالوطنية بشكل خاص من قبل المغتربين بيوصفو شعورن (بالحنين) وحتى كتيرين