وطن النور والظلمة

اول مرة رحت فيها على باب النصر كنت صف رابع رحت مع بابا اللي اخدني لهنيك مشان يعرفني علمنطقة طلعنا من طرف السيد علي جنب مدرسة المعري علطريق خبرني انو بهلشارع بالذات مشي وهوي بعمري مع ابوه ليعرفو على المنطقة وحب يمشيني بنفس الشارع ليتذكر هديك الايام بتذكر اني كتير فرحت وحسيت انو اللي عم يعملو بابا تقليد عائلي الا شوي ولازم حافظ عليو ومشّي ابني بنفس الطريق بنفس العمر اول محل عليمين كانت المكتبة اللي اشتري منها دفاتر بالجملة وقت كنت مسؤول بالجيك تاني محل عليسار كان دائما يحط زينة متل الي كنا نعلقها بالصف ايام الاعياد ورا زاوية المصور في محل ببيع فطاير لحم بعجين على مستوى سوريا ... كل هلشي هلق بصورة وحدة اختفى! متل كلشي بهلبلد حلب القديمة ... باب النصر ... ويا حيف

شو اللي بهلصورة بيفرق عن كل صور الثورة اللي فيها دم لحتى هزتني كل هلقد ؟ الصورة هي من حي الشعار الحلبي اللي انعدمت فيه الحياة من أشهر وتغيرت معالمو كمنطقة حلبية بعد ما خسر العديد من معلامو وبناياتو الصورة مانها اول صورة بتعرض الدم السوري عم يسيل من جسد طفل مانها اول صورة بتعرض الحسرة والقهر بدموع الأب وعيونو مانها اول صورة بتأظهر فشل المحاولات الطبية ترقيع الوضع الحالي وتداركو وتخفيف وجعو ومع هلشي بتهز الواحد وبتقلبلو كيانو بتلخص كلشي ... بتحكي كلشي ما بينحكى ... بتصرخ بكلشي ما بينقال المصيبة انا انت وانت رح ننسى هلحادثة وهلصورة ورح تمرق متل ما مر متلها الآلاف خلال آخر سنة ونص دموية من حياتنا كسوريين... انا بعد 3 ساعات بالكتير رح انسى هلصورة وارجع اضحك مع رفقاتي اذا حدا مزح معي او رح نام متدايق وفيق بكرا افتح البراد لشوف اش ممكن آكل او دق لرفقاتي لننزل بالمساحة الضيقة المتاح التحرك فيها نشم هوا كل هلدم رح ننساه واللي ما بينساه رح يبادرو اصدقائو الصدوقين بالنصح والوعظ بأنو اهبل وحاطط الحزن بالجرن ومنغلق على حالو ورح يحاولو بكل الطرق اعادة تذكيرو انو نكرة ما طا...

احدى المواقف المريت فيها كانت بمدرسة من مدارس النازحين الرصاص عم ينضرب بشكل فجائي على الحيط المقابل للباحة اللي كنا فيها وانا كان معي مجموعة اولاد بحركة لا ارادية بسحبن عالزاوية وبوقف جنبن بحاول لهّين عن الموضوع واحكي معن وضحكن بعد ما خلص الموقف بحدود الربع ساعة بيجي ولد من هلولاد بئلي: استاذ ايمت بدي صير كبير ؟ بجاوبو :مع الايام رح تكبر اكيد! ليش بدك تصير كبير ؟ بئلي: لحتى ما خاف! بابا قلي اني خفت لأني صغير وانت لأنك كبير ما خفت ! يمكن حكيت بأكتر من المدة اللي بيحكي فيها الفيلم، بس بالحالتين بالصوت او الصورة للفيلم المدتو 44 ثانية عم يكون علينا واقع اتقل من اننا نحملو وعم نشوف قدام عيونا معاناة جيل كامل رح يبقى عم يتذكر هلأيام بتفاصيل مشوهة وبمشاعر متضاربة فاذا ما عنا القدرة نتجاوزها خلونا على الأقل نحاول نوصفها

الطوفان بيحكيعن مدارس اشبه بالسجون والمعتقلات منشأة لتحاكي مدارس كوريا الشمالية الفريدة من نوعها بالعالم بعدم ايا فردية بالانسان وقتل كلشي بميزو عن بقية البشر. مناهجها المصدية اللي بتحشي بالطفل معلومات قد تكون مفيدة الا انها مصممة على انو ما يستفاد منها بحياتو وبكل وقاحة بتطرح اهمية الحرية وانو الحيوان (القطة بحسب درس القراءة التم تصويرو بالصف) بحس بشعور الحرية وبطالب فيها وبيسعى الها وانها حق من حقوقو بتبيعك شعارات ووطنيات وهية عم تعيشك العكس تماما بكل مجالات الحياة وبالها مرتاح بانها عرفانة هلشعارات ما ممكن حدا يعتبرها اكتر من مجرد علاك مصدي كون كل سلوكياتها بالحياة بتأدي لعكس هلشعارات عن انجازات حزب غيّر مجرى التاريخ لوطن كامل متل ما غيّر مجرى النهر ليدفن كل الحضارات وكل القيم الموجودة عند الشعب وربّى العالم على انو جرائمو غير المغفترة بحق التاريخ هية انجازات لازم يسفقولها ويمجدو اصحابها اللي حولو البلد لمزرعة الن كل المشاهد المؤلمة والمخجلة بالفيلم من عضو مجلس الشعب اللي بيتفاخر انو صرلو 50 سنة عضو وعم يحصل على مكافئات ومكتسبات لمدير المدرسة اللي بكل بساطة بئلك انو هوي ...

مكيافيلي قالها بالقرن السادس عشر : ( الغاية تبرر الوسيلة ) في سياق تبرير العنف المتبع للحفاظ على السلطة حاولت ثقافة الانسانية الحالية تمدّن البشر وتحولن لكائنات اكثر رقي عبر عزل المقولة السابقة عن القسوة والوحشية والعنف بالصراع على السلطة وتوظيفها بمجالات تانية بالحياة سمحت للمقولة توصلنا عن طريقها كالغش بالامتحان او الكذبة البيضا . في بلاد غير متمدنة عم تعيش مرحلة القرن الخامس عشر بايطاليا او ربما اقل لا تزال القسوة والوحشية في صراع الحكام على السلطة تعتبر لكتيرين مبررة تحت خانة الوسيلة الهادفة لغاية أسمى! تماما متل ما كان ماكيافيلي قاصد على ايامو! القذائف اللي عم تنزل علمدنين من الطرفين، التفجيرات اللي عم تصير بشكل هستيري لا يمكن ولا بأي شكل من الاشكال تكون مبررة ولا تحت ايا بند ولا في سبيل الوصول لأيا غاية وهلكلام يصح خارج اطار الفعل ورد الفعل ومقولة لا يحق للشخص اللي ما ادان الفعل ادانة ردة الفعل رفض هلوسائل في الصراع المميت شيء مفروغ منو انسانيا واخلاقيا اما التمسك بهلتفاصيل اللي بتحدد هويتنا كبشر وكسوريين او السقوط الكامل بدائرة الخيانة لقيمنا ولانسانيتنا ولوطنا...

انو كلمة مشلوفة على باب مدرسة .. بعرف بس انو لصغرا بترجع لشخص (علأغلب طالب) حب يدوّن او يترك شي بعبر عنو فهمان معناها وعرفان حجم الكلمة اللي كتبها؟ (ع اساس كل المدونين بالبشرية عم يعرفو معنى الشي اللي عم يكتبوه) بيعرف كيف بتستعمل وكيف بتتطبق وكيف بتنعاش وكيف لازم تكون ؟ ما بعرف ولا بقدر اعرف بس بكل الاحوال رح ابقى سعيد بهلمدوّن المجهول الهوية وبتدوينتو المختصرة شخص فكّر وكتب وعبّر، بالنسبة إلي هوي مدوّن حقيقي اكتر من الكتيرين اللي خايفين يكتبو واللي انا واحد منن

احتفل الفرنساوية البارحة بالعيد الوطني شيتن بـ 14 تموز ذكرى مرور 223 على شرارة الثورة الفرنسية اللي رغم انها غيرت شكل البشرية الا انها وبجدارة (اكلت ابنائها) العيد الوطني او يوم الباستيل هوي ذكر متفق عليها من 1880 كاحتفال باقتحام سجن الباستيل بباريس واللي كان اقتحامو بـ 14/7/1789 شرارة للثورة الفرنسية، الباستيل اللي عادة ما بتم تصويرو على انو (معتقل همجي) بوسائل تعذيب سوبر ديلوكس للمعتقلين بعد ما كان بيوم من الايام حصن للدفاع عن باريس تحول على ايد الملك لقلعة طغيان للتعذيب  ورغم انو الاوروبيين مهووسين بالآثار ورغم انو الباستيل يستحق بجدارة يكون معلم اثري او متحف للتذكير بحقبة زمنية طويلة كونو مبني سنة 1370 الا انو حاليا ساحة الباستيل بفرنسا خالية من المبنى الخاص بالحصن، حطو بموقع المعتقل السابق برج تموز وعليو (روح الحرية) الشايل بيسارو بقايا سلاسل وبيمينو شعلة نار ومكتوب على قاعدة البرج À la gloire des citoyens français qui s'armèrent et combattirent pour la défense des libertés publiques dans les mémorables journées des 27, 28, 29 juillet 1830 المجد للمواطن...

وصلتنا معلومات تفيد بأن المدون السوري حسين غرير، والذي كان قد اعتقل بتاريخ 16-2-2012 إثر مداهمة قوى المخابرات الجوية- فرع المزة لمكتب المركز السوري للإعلام وحرية التعبير في العاصمة دمشق، قد بدأ إضراباً عن الطعام احتجاجاً على استمرار اعتقاله بعد أن قضى قرابة خمسة أشهر في المعتقل. يذكر أن هذا هو الاعتقال الثاني لغرير حيث كان قد اعتقل بتاريخ 24-10-2011 وافرج عنه في 1-12-2012 ولايزال يحاكم من اعتقاله الاول. وقد داهمت قوى المخابرات الجوّيّة المركز بالتاريخ المذكور أعلاه وصادرت الأجهزة واعتقلت كامل طاقم المركز مع ضيوفه الزائرين، ثم أطلقت سراح 8 موظفين هم الآن قيد المحاكمة العسكرية بتهمة "نشر منشورات محظورة"، فيما لايزال خمسة موظفين قيد الاعتقال، وهم مازن درويش، مدير المركز السوري للإعلام وحرية التعبير، حسين غرير، عبد الرحمن حمادة، هاني زيتاني ومنصور العمري. وحسب المعلومات التي لدينا فقد تم تحويل حمادة وزيتاني والعمري من المخابرات الجوية فرع المزة إلى معتقلات الفرقة الرابعة في الجيش السوري، بالإضافة لتحويل مازن دوريش من زنزانته إلى مكان مجهول، دون أن يُعرف إن كان التحويل إلى ...

- مسموح اتعاطف مع اولاد الحولة ؟ - اي طبعا هدول ضحايا الارهاب - منيح طمنتني ما كنت بعرف المشاعر الانسانية ممكن تكون انتقائية لهلدرجة او مسيطر الخوف عليها لهلمرحلة *** وقت بتكتر الفيديوهات اللي عليها تحذير عمري  ومكتوب عليها +18 وأكبر الاشخاص اللي بيظهرو باللقطات ما بيتجاوز الـ +10 ففي مشكلة اكبر بكتير مما تقدر تحصرها بكلمات او تعبر عنها بجملة *** "معظمهم من النساء والاطفال" وبمطارح تانية "معظمهم من الاطفال والشيوخ" في حال كانو من الشباب بالعشرينيات بضيع فحوى الخبر وما بعود الو ايا قيمة اعلامية للتداول ؟ *** اطفال الحولة وكرم الزيتون ... لا تسامحونا

عندما يدرك الفرد حقيقة كونه جزء من مجتمع لا منتهي في الامتداد والعددية، وأنه يتكامل مع دوائر من البشر المماثلين له في محيط غير مقيد وغير مدرك بالحواس أو متوقع بالتشابيه، متوسع ليشمل أكثر من مجموعة أصدقاء وأقارب ومعارف وزملاء أكثر من ركاب جمعتهم وسيلة نقل  أكثر من عدد المصلين في يوم عيد أكثر من أشخاص تواجدوا عشوائيا في مكان عام  أكثر من أناس اصطفوا سوية في طوابير خبز عندها سيملك الجرأة الكافية للإقدام على ارتكاب أول’جريمة الفكر‘ لدى الانظمة الشمولية، الرغبة التمرد.

قبعاتهم غريبة الشكل زرقاء اللون، مميزة لدرجة يصعب علي تصديق أن النظام من جهة بدأ يتبجح بأنه هو من طالب بحضورهم إلى سوريا وأن المعارضة من جهة أخرى استبشرت خيرا بقدومهم! أن كان الانف طويل ويصعب الرؤية أبعد منه، هل هو ايضا فاقد لحاسة الشم ؟ التاريخ متخم بنتائج افعالهم ورائحة وجودهم وما ترافق معها من أحداث مميزة الون والرائحة يستحيل على الانف نسيانها هل تقاس مدة الاحتفاظ بالمعلومات ضمن الذاكرة السورية بالساعات أم بالدقائق؟ *** ما حدث في الاستفتاء على الدستور، أو في الاقتراع على عضوية مجلس الشعب، ليس سياسة ولا حالة انسانية بل مسرحية فاشلة، فشلها متأصل فيها لمعرفة من يشاهدها الخاتمة التقليدية المعتادة التي ستذهب إليها الامور، حتى أنها كفن مسرحي لا ترتقي لمستوى الامتاع أو ترك انطباع مضحك أو مبكي أو تراجيدي أو فكري، مجرد مسرحية أخرى مشابهة للمئات التي سبق ومللنا من متابعتها. ما حدث في مجلس الامن من فيتو مزدوج ودعوات تسليح وتدخل عسكري وفرض عقوبات اقتصادية وتضيق سياسي وقطع علاقات وسحب سفراء، ليس حالة انسانية ولا مسرحية فاشلة بل لعبة سياسية قوامها المصالح وهدفها تحصيل المكتسبات بحسب الظر...

حاجز عسكري عساكر صغار في السن معدمون من البرد والتعب يقفون على الشارع العام تصطف السيارات ارتالا بانتظار تدقيق العساكر بهوية السائق والركاب سيارتان مكشوفتنا بجوار بعضهما الاولى مكدسة بقطعان من "اللجان الشعبية" والثانية مكدسة بسحارات من البرتقال اليافاوي مد يده واخذ اول سحارة الثانية الثالثة واصدقاءه حماة الديار يضحكون نزل السائق غاضبا للسرقة العلنية التي تعرض لها اندفع بجسده نحو السارق لاحظ السلاح الذي كان يحمله بطريقة ملفتة للنظر تباطأت حركة الجسد كمحصلة منظومة قوى متعاكسة بالاتجاه، قوة عاطفة الانسان المظلوم تدفع وقوة ادراك هوية سارقه تفرمل وقف على مسافة قصيرة منه خاف تمنى لو أنه ’كبر عقله‘ ولم ينزل من سياراته لم يعد هناك مجال للتراجع، الآن وجها لوجه مع السارق شعوره بضرورة استرجاع رزقه وكرامته تكفل باستكمال المشهد يداه إلى الخلف بطريقة غريبة تعكس رغبا باظهار الجسد نية عدم الاستفزاز عيناه تهاجمان بشراسة حنجرته تصدر صوت اهتزازاته الترددية تصل حتى مسامع الاصم الجالس في القطب الشمالي بهدوء وطني مميز ومتقن التفت عضو اللجان الشعبية للسائق المتكتل أما...

المتهم: وحياة الله  يا سيدي انا لست مدون و لا معارض المحقق: احلف كما تشاء، أنا لا أؤمن إلّا بالدولاب (وسيلة تعذيب ) بالدولاب ستعترف شئت ام أبيت المتهم: طيب، وحياة الدولاب يا سيدي انا لست مدون و لا معارض  رحل كريم ولم يرحل الدولاب  سيبقى ذكر كريم وسيختفي الدولاب

1- الدستور موضوع من طرف واحد وهو النظام وبالتالي لن يحل الازمة ولن يرتق لمرحلة تطلعات الشعب ببناء حياة سياسية يساهم فيها الجميع مهما كانت توجهاتهم الفكرية والدينية والسياسية. 2- الغيت المادة الثامنة من الدستور المحددة لصيغة البعث الحاكم سوريا مجتمعاً ودولةً، لكن التبعيات الخاصة بحكم البعث، افكاره وشعاراته واهدافه، لا تزال ترخي ظلالها على جميع التعاريف والمفاهيم في المواد الدستورية. التعددية السياسية لا يمكن أن تبنى على قيمة عرقية، فعندها تنتقل مباشرة لخانة العنصرية، لكون الموروث العرقي صفة لا يمكن تغيرها بحسب القناعات بل يعامل بها الشخص بحسب هوية الآباء. في مجتمع متعدد الاطياف العرقية والقومية، وفي حال الاتفاق على رغبة فرض المساواة بين جميع ابناء سوريا، لا يمكن طرح فكرة الاحتكار القومي لفئة معينة، مهما كبرت أو صغرت، للحكم بطريقة دستورية. السوري الارمني، السوري الكردي، السوري الآثوري، السوري الشركسي، مواطن سوري من الدرجة الأولى على الدستور احترام ذلك وعدم تضمين أيا تخصص بما يتعلق بالعروبة كتفضيل قومي على بقية القوميات. 3- كيف تجتمع هاتان المادتان في دستور واحد؟ ...

- الشوفير (منبحتاً بشكل استباقي لحتى يفهمني انو عدادو مو زابط ع تسعيرة البنزين الجديدة ورح ياخد 10 زيادة) : كلشي بيغلى بهلبلد ما بيرجع بيرخص وشوفة عينك كلشي بالبلد عم يغلى قلي شغلة وحدة عم ترخص او بزمناتها رخصت - انا : الانسان بقينا ساكتين لحتى ما وصلني للمطرح اللي بدي ياه حاسبتو وما استنيت يرجعلي بقية الحساب  فتحت الباب ونزلت  لا انا حكيت شي ولا هوي حكى شي ما بعرف هوي بشو كان عم يفكر يمكن خاف مني! من جهتي كنت عم فكر الانسان قديش صار يسوى حدا يساعدني تقريبا .. تقريبا .. قديش تسعيرة الرصاصة بهلأيام ؟

تعشقها يعني ألا تتخيل إلاها أنثى يعني أن تفهم إيماءات الشعر جعداً منساباً منكسرأ يعني أن تتنبأ من طيات الثوب حالة طقس النفس أن تتنبأ من وضعية نوم الجسد إن كانت روحها هادئة أم مثلك قابلة للعصف يعني أن تسمعها في موسيقى الكعب العالي ضربات يقرعها قلبك تعشقها يعني أن تحفظها غيباً كنشيد بلادك ان تنشدها أغنية خالدة في مذياع حياتك أن تلقيها نصا شعرياً مكتملاً في أمسية يحضرها مجمع آله الشرق الغرب الفينيق الرومان البوذين اليونان التتر السكسون وكل شعوب الأرض تعشقها يعني أن تحفرها فوق جدار الكعبة أن تقرعها في أجراس كنائس هذا العالم أن يتلخص فيها خلودك و فناؤك أحلامك أوهامك نصرك خيبتك هزيمتك أملك و يأسك خوفك جرأتك صراخك ملئ سجونك حريتك مهلاً قد اخطأت اللفظة لا تحتمل الحرية ضمير الملكية في آخرها الفظها اسماً تجريدياً دون مواربة مزق كل حبال الصوت جدار الصمت صرخة في ذروة ثورتك الدموية اصرخها حرية حسام ملحم صيدنايا 17/6/2007‬ حسام ملحم من اوائل المدونين السوريين في منتديات اخوية ...

خلط العرق مع المي /  نؤكد ونكرر بأكثر الطرق اثارة للمل على التزامنا بمبادئنا الملخصة بـ : أول شفّة من الكاس / المقاومة والممانعة: مقاومة الشعب ومنعه من الحياة بكرامة تاني شفّة من الكاس /  دفع عجلة الاصلاح:  دهس الجميع وهرسهم بالتساوي  تالت  شفّة من الكاس /  الصمود والتصدي: الصمود على الكراسي والتصدي لكل من يقترب منها كعبو أبيض/ والنصر لقضيتنا بصحتك / تصفيق

الإجرام الدموي الذي أظهرته الأنظمة التي ثارت عليها شعوبها بشكل متأخر نسبياً ضمن التسلسل الزمني المتسارع للثورات العربية، يعطي انعكاساً على اقبال تلك الحكومات على دراسة الأوضاع الثورية في البلاد التي سبقتها بشكل تفصيلي خرجت منها بنتيجة الأخذ من العنف الارهابي سلوكاً لردع ثوارها واعادة صناعة الخوف في نفوس شعوبها، ساعدها على ذلك تبعية القوات المسلحة لرغبة الطبقة الحاكمة المتحكمة بالهرمية العسكرية والتي سخرت هذه الظروف لخدمة مصالحها. فالأنظمة العربية الحاكمة تتشارك جميعها فيما بينها باعتمادها على تسخير القوى الأمنية لخدمة مصالحها والتضييق عن طريق تلك القبضة الحديدية على حريات شعوبها ونشر اساطير الرعب في صدور مواطنيها، النقطة التي استطاعت زمنياً تمديد عمرها كأنظمة ديكتاتورية مستفردة بالحكم بطرق غير شرعية وذلك بخلق مناخ قمعي لضمان وأد الثورة قبل اندلاعها أو تشكيل الظروف المهيئة لقدح شراراتها، معتمدة على تفتيت الحياة السياسية والنقابية والسيطرة على كل مظاهر الحياة الاجتماعية بما فيها التجمعات الرياضية!. هذه الانظمة المتآكلة داخلياً بفعل الفساد الذي وجد فيها بنية مثالية للانتشار، لم تكن لت...

اني اليوم ابشركم بفرح عظيم يكون لجميع الشعب قبل الـ 2011 كنت دافع عن سوريا خصوصا بالهجوم من قبل غير السوريين وبشكل خاص اللبنانيين كنت دافع بمنطلق التعصب والتطرف لسوريتي رغم جرحي الكبير انو شعبي الجزء الأكبر من المشكلة ... هوي بسلوكو اللي عم يختارو عم يكون جزء من واقعو السيء. بمعظم الانتقادات اللي عم تتوجهلي كـسوري كنت اهرب منها عن طريق التبرأ من المسؤول عليها، انو يا اخي لا تعيّرني بسلوكيات اشخاص انا فعليا ما كان الي ايا ايد باختيارن وبالتالي مافي الي ايا قدرة على محاكمتن او حتى محاسبتن او مسائلتن من وقت حكاية كريم قبل سنوات فقدت ايماني بهلشعب كجماعة بتحمل قضية وكرامة وككتلة وواعية على وضعها وقادرة تشوف حالها بالحضيض وعندها الامل لتغيير موقعها بالحضيض كمجموعة عم تتذيل كل تصنيفات البشرية بمعظم مجالات الحياة ان ما كان كلها. لفترة طويلة كان بنظري شعب سوريا مجرد نماذج (وانا بكل تأكيد واحد من هلنماذج) فارغة من كلشي، الواحد منها بيحكي بالتواريخ والامجاد وهوي بينتمي بالواقع  لاكتر شعوب الكرة الارضية (متلو متل بقية العربان) تخلفا واستجرارا للتكنولوجيا والتطور. شعب بينحمق ع كاريك...

طارق الطيب محمد البوعزيزي 19/3/1984 - 17/12/2010 الإنسان الذي غرست أنظمة القمع خوفاً عريقاً في نفسه يشجع كل من حوله على التطاول عليه، كما أنه يعرف هو نفسه كيف يستغل الفرصة للتطاول على الآخرين حيث يرى تلك الفرصة سانحة. ولهذا فإن الطغيان يريد غرس هذه الرهبة الدائمة لكي يضمن استقراره، وحين يكون لأصغر ممثل في السلطة رهبته فإن هذا يعني أن النظام مستقر، ولن يزعجه أحد بالمطالبة بالحقوق. إن الجميع يتحولون إلى قطيع مذعور منتظر بسلبية مطلقة، ينتظر أن تمن عليه السلطات بالإنجازات، بل إنه يصبح أكثر ميلاً للإرضاء والمحاباة. هذا قد ينقلنا إلى مسألة المواطنة وحقوقها، وربما إلى فهم آلية الديمقراطية التي نسعى للعيش فيها. فحين تسكت عن حقك الواضح، بسبب الخوف غالباً، فإنك لن تتوقع من الآخر أن يحترم لك هذا الحق، يستصرف في المرة القادمة وكأن التطاول على حقوقك من المسلّمات. وهنا نعود مرة أخرى إلى الخوف، فهذا الخوف هو الذي يغري السلطة وأطرافها بالتصرف من دون إقامة أي اعتبار لوجودك، بل إنك تثير شهية الاعتداء والتطاول عليك يومياً. وهكذا يتطاول عليك عنصر المخابرات والشرطي والموظف والآذن وأقرباؤهم...